دار الحياة - القاهرة
أصيب الفنان المصري المعروف محمد صلاح بفيروس كورونا (كوفيد_19)، ما أدى لدخوله مستشفى صدر العباسية في العاصمة المصرية.
وأكد الفنان صلاح عبر صفحته الشخصية بموقع التواصل الاجتماعي "فيسبوك" خبر إصابته بالفيروس، قائلاً: "بكتبلكم وأنا على سريري في مستشفى صدر العباسية، وبعد عمل أشعة مقطعية على الصدر أكدت أنى أصيبت بالوباء اللعين وقالولي اتأخرت ليه".
اقرأ ايضا: مصادر طبية تكشف تطورات مفاجئة عن الحالة الصحية للفنان محمد صلاح
وأضاف: "يمكن تكون آخر كلمات ليا في الدنيا دي .. اترددت كتير بس لقيت نفسي مش قادر وبكتب .. لأني حسيت احساس غريب حسيت اني مش خايف من الموت .. انا خايف اني اموت قبل ما شوف النجاح .. استغربت وقولت لنفسي انت مش خايف من الموت ؟؟؟ قولت والله لا .. انا خايف اموت قبل ما شوف نجاحي .. بلدنا بقى الحلم فيها .. انك بس تشتغل .. انت بس بتحاول طول الوقت إنك تشتغل .. وتخبط على البيبان وكل البيبان بتتقفل في وشك".
وتابع: "شباب في أول عمرهم وشباب بقوا رجال ورجال أصبحوا كهول وبنات وسيدات موهوبين خريجين المعاهد والكليات الفنية وما وقفوش أمام كاميرا.. واللي هاجر واللي اكتأب واللي انتحر.. أجمل ما في الوجود الحلم والطموح واقبح ما في الوجود عدم تحقيق الحلم أو الطموح ده".
