أثار رواد منصات التواصل الاجتماعي خلال الساعات الماضية، حالة من الجدل بعد تداول صورة للمخرج المصري محمد خضر، وهو يحمل حذاء زوجته ياسمين أبو النجا، ابنة الفنانة نجلاء فتحي على السجادة الحمراء، في مهرجان الجونة السينمائي 2020.
وأحدث تصرف خضر انقساماً لدى الجمهور، فمنهم من أيده واعتبره معنى حقيقيا للرومانسية بين الزوجين، وآخرون انتقدوا ذلك التصرف، واعتبروه محاولة للفت الأضواء نحوهما، وهو ما جعل خضر يحاول توضيح الأمر وكواليس التقاط الصورة.
وكتب المخرج المصري، عبر حسابه على الفيسبوك،: "بالنسبة للصورة بتاعتي أنا ومراتي، الصورة دي اتاخدت واحنا مروحين الساعة واحدة ونصف صباحاً من حفل الافتتاح (مش وإحنا داخلين حفل الافتتاح) أكيد مش هدخل حفلة شايل جزمة مراتي وماشي!.. إحنا الدعوات بتاعتنا دعوات VIP مش دعوات مشاهير، فا ده أصلاً مابيدخلناش على السجادة الحمراء مع الفنانين، ده بيدخلنا من باب تاني جنبه ما فيهوش كاميرات".
وأضاف المخرج المصري: "كل ما هناك إن بعد 6 ساعات من الحفل، واحنا خارجين باب الخروج كان زحمة وكل الناس خارجة منه (فنانين وغير فنانين ومصورين وكاميرات فيديو).. ومراتي أكيد بعد 6 ساعات رجلها تعبت زي أي واحدة رجلها بتتعب في أي فرح.. فا قلعت الجزمة! فا من الطبيعي ومن الرجولة ومن الأدب إن أنا اللي انزل أجيب الجزمة (مش هخلي مراتي توطي وسط الناس أكيد) ودي لا حاجة تعيبني ولا تقلل مني.. واحدة شايلة بيتي على راسها 15 سنة، مش هشيل جزمتها 15 دقيقة؟".
وأكمل تدوينته: "المهم ضربت بعيني لقيت ممر السجادة الحمرا مفتوح وفاضي قولت لها ياللا نخرج من هنا أسرع، ولقينا المصور بيطلب مننا صورة فوقفنا 3 ثواني بالضبط.. ابتسمنا وأخدنا الصورة وخلعنا.. والراجل تفضل مشكوراً وبعت لي الصورة على الفيسبوك وبصراحة الصورة لذيذة.. ولما حطيتها عندي على الوول لقيتها بيتعمل لها شير روحت قافلها للأصدقاء فقط بس كدة".
وكان مهرجان الجونة السينمائي، اختتم فعاليات دورته الرابعة، مساء أمس، وسط تدابير احترازية للوقاية من فيروس كورونا، وبمشاركة عدد من النجوم البارزة من مختلف دول العالم.