واصل أشرف صبري والد الفنانة المصرية ياسمين صبري مهاجمتها على حسابه الشخصي "فيسبوك"، ولكن هذه المرة استشهد بصور من حفل خطبتها السابقة.
وقال أشرف صبري: إن ابنته طعنته في ظهره بعد ما رباها في بيته، حيث كانت صاحبة المنزل ولديها عاملة وأيضا سيارة.
وأضاف: "أصدقاؤنا كانوا بييجو البيت بيشوفوها يردوا ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها".
وتابع: "الكدب ده بيبرر بالنسبة لها سبب عدم حضورها فرح أخوها، ولو أب اهتم بفرح ابنه وزعلان إن إخواته ماجوش مش حيهتم ببنته؟".
وأردف: "أنا عملت لها حياة كريمة راقية ومحترمة، وماكنتش فاكر إن الرد حيكون كده والسر اللي الناس ما تعرفوش إنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا".
وختم بالقول: "اتجوزت من ورايا وبدون علمي بعد التربية اللي عملتهالها، وعشان كده أنا مش معترف بجوازها اللي من ورا ضهري ده، وحسبي الله ونعم الوكيل".
من جهتها، قالت ياسمين صبري- خلال لقاء مذاع عبر يوتيوب- إن علاقتها بوالدها منقطعة تماماً، وإنه لم يكن متواجداً في حياتها خلال طفولتها.
وأضافت أن السبب ليس انفصاله عن والدتها، لكنه اختار نفسه بحسب تعبيرها.
وتابعت: الناس بتعمل اختيارات في حياتها، كل يوم الواحد بيعمل اختيار، بدون ما نقول هو ليه حصل كده.