كشفت الفنانة ليلى غفران، سبب ابتعادها عن الوسط الفني منذ سنوات بعد تعرضها لوعكة صحية، مشيرة إلى أن الوسط الفني تغير وأصبح غريبًا عليها.
تصريحات ليلى غفران
وقالت ليلى غفران، في تصريحات تليفزيونية: «الوسط اتغير وبقى غريب عليا، وبعدين لما تكوني حاسة أنتِ في غيبوبة وفيه حاجة حصلت وديتني في عالم تاني خالص وتصحي تلاقي نفسك بعدتى كتير، أنا كنت في غيبوبة مرضية وحصلي جلطة في المخ سببت ليا شلل كامل».
وأضافت ليلى غفران «بعد ما فوقت من الغيبوبة كان ربنا بيقولي فوقي وكملي المشوار والحمد الله بدأت اشتغل وأعمل شوية حاجات».
سبب إصابة ليلى غفران بالجلطة
وواصلت ليلى غفران تصريحاتها «الجلطة في المخ جات من أكتر من حاجة صعبة في حياتي، وكانت عبارة عن تراكمات من جوايا وأنا من نوع الناس اللي مبعرفش أطلع اللي جوايا، ودايمًا أكتم وأسامح».
واختتمت تصريحاتها «حصل تراكمات لدرجة إني مرة واحدة حصلي غيبوبة فجأة، ودخلت المستشفى واتحجزت لأني مبقيتش أقوم ولا أتحرك».